Penulis Acara sinte mugerje,Tali opat belum tulu taring sara,opat ganjil Lime Genap.
Sarak opat rempak kunul,adalah orang-orang yang sudah di tuakan di kampung tersebut,hal itu sering disebut,reje musuket sipet,petue musidik Sasat,imem muperlu sunet,rgm rakyat genap Mupakat,dan masyarakat kin iringen naru tenaum kaul,murum-urum lagu Rerum musesapat lagu lepat,
Asal ni kuyu Ari simang simut,asal ni uren Ari kerna kedut,asal ni edet Ari Kute merhum asal ni ukum Ari siah Kuala,sene bubak sene bubo sene idoyah berkah itelege,sene kekanak sawah kutetue,nguk iperin si opat resie ni Tuhen.terbilangan sigenap ketike sibise kami jalinen lamung serenen kuduk beragan kasat urum berkekire kami Sawahan salam tenah kati enti manut iwaih pelipenen buge Gere mosop ilah perjelen gelah mutuju ku jantung rasa bahgie te,pantauan media ini 25/6/2023.
penyerahan sinte kepada reje.
Segele puji ku Tuhen te Allah SWT,dan selawat urum salam ku Nabi te Saw.berseta keluaga dan sahabat te.
Reje-aku sibercerak ni Ari dowa sempena perang mupangkal kerje musokut,nge mukamul ralik juelen,wali porak wali sejuk,cabang nge murai cabang,ranting nge munangon ranting,sudere si gaip sudere didekat,nguk iperin nge Rempak lagu re,nge mususun lagu Belo,Gere Ara ne si taring Maring,
Reje- risik urum Kono mokodi nge arai Ari datu turun ku awan,Ari awan turun ku Ama renye ku kite,singuk iperin nge mucap ku atu,nge mulabang ku papan,
Reje-ari awal ni buet katan serah merah Ara kata ure ure e edet,opat ganjil, lime genap,tali si opat beluh tulu taring sara,si keruh kin inum e si jernih kin pembasuh e,Beta kata oleh te,
Reje- lahir buah ate,jatung rasa,musesuk utang te opat perkara,sikatan sinte opat,pemulo iturun manin,kedue ikatan,ketige iserah kuguru,keopat waruse iwajipen ringen ne ibereten,
Reje-wan ke muduk Lo ni kin cico ni manuk Kelik nikalang Ari bulet ni pakat tirus ni genap,nge kami denangan alase nge kami cecepi mangas e,
Reje- berseseren kite ku amal titur mimpi jege kire Gere nusiyer,urum muhali,Gere mupolon urum muliki,Gere bolonen Gere museldi,Gere mutungku Gere mutingki,nguk kite perin mampat urum belangi,
Reje- kin sarat yakin tene kuwet sarat denem kite Muninget,kami nahan ku tenumpit ni reje,beras padi tungket imen,pinang si mutampuke,belo si murudange,
Reje-ari dowa urum urum gelah poleh zet poleh Sipet,poleh nyawa polih tubuh,polih anggota Pitu,si bise gelah magih,si porak gelah sejuk,gelah sejuk ni peruntung ne gelah mudah Tuhen rejeki e,
Reje- kite Manat petenah mulo seni kati enti Kase remalan bergerdak,mujabgko munyitak,bercerak Gere sergak,gelah lagu santan mulimak ibibir e,
Reje- ku jurahan ku sarat opat,reje si musuket Sipet,imem meperlu sunet,petue musidik sasat,rakyak genap mupakat,dan lebih urum kurang ku Tuhen ampun ku sudere ku Tiro maaf.
Aharuddin
Editor : Riga Irawan Toni
